Horaires

Janvier 2018

Lu
Ma
Me
Je
Ve
Sa
Di
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
 

O dvise in picard

Os sonme fin contints d’vos atcheuiller din chés pages d’arnitoéle éd chu « Cmin d’Fér d’él Baie d’Sonme » !

 

Alintour d’él baie d’Sonme, ch’tchot train d’chés bains d’mér i s’in vo vadrouiller din chés poéyis d’él cote picarde : L’Crotoé, Noéyelle, Saint-Wary et pi Tchéyeu. Ichi, ch’est des vrais modéles éd locos récapèes du temps d’la Belle Époque qu’is roul’t édsu chés rails. À l’boéne saison, ch’est tojours chés valéreuses locos à vapeur qu’is ratrin’t chés voéyageus din chés « trains d’plaisi », conme o dit coér. No baie d’Sonme ch’est un bout d’poéyi picard rinsarrè intar-deux ch’Vimeu, ch’Pontiu et pi ch’Mérquéterre. És bieutè al ratrive chés gins d’la ville, qu’a fuche durant leus vagances o bien pour évnir leu canger un molé leus idèes.

Chés voèes is ont tè inaudjurèes in 1887. Ch’étoait pour éq nos pérints pi nos téons is peuch’t leu nn’aller à ch’mértché d’Adville o bien à leuz ouvrage, o bien coér pour monter à Anmien … et pi ch’étoait étou pour éq chés visiteus is peuch’t évnir leu proumner à Saint-Wary, au Crotoè o bien in Tchéyeu.

Achteure, no dévoumint à ch’bieu patrimoéne d’ichi (éq tout l’monne il o coér bien vive din s’mémoére) i no pousse à qu’tous chés machines et pi leuz atrintchillage i fuche wardè pi radiminchè. À forche d’ouvrage, chol cirtchulation al o rprins in juilet 1971, quante chés voèes is ont tè rprinses pèr échl achuchon d’chu CFBS (chu Cmin d’Fér d’él Baie d’Sonme) qu’il avoait vu l’jour l’énèe d’édvant.

Innhui éch tchot train il est tojours lo, pour no plaisi bié seur. Mais il est lo étou pour foaire vive no poéyi. Ch’tchot train i porte édl attache à agréminter ch’poéyi et pi à voloér él dévlopper. O voét vnir des gins d’Ingléterre o bien d’Bélgique pour donner d’l’écore à éne avinture qu’a n’est point ordinaire. Chu CFBS il est lo, bien acrintchè à l’vie d’éch poéyi, pi i raméne édl ouvrage et pi dl’action à noz économie. Et pi à mzure, ses trains is nous ratrin’t bérlic-bérloc din chés tchotes villes qu’i y o alintour él chol baie… Din l’fond, i n’y o rien d’cangè, tant pour éch train qu’pour chés voèes qu’is ont pu d’chint ans !

Marci à chés fémes pi à chés honmes qu’is l’foait’té vive. Ch’est eux qu’is nn’ont foait ch’qu’o voèt achteure… Marci à chés gins d’ichi qu’is n’ont janmoais défacè d’leu mémoére échl image d’un train qu’i n’érsanne vraimint point à sz’eutes, leu leute, échti qu’i s’déhale alintour d’él baie d’Sonme… Ch’est chés gins-lo qu’is leu déful’té coér innhui dvant li quante i passe.


Gramint marci à tortous, et pi à nos rvir biétot din ch’tchot train !

 

Chu Cmin d’Fér d’él Baie d’Sonme (CFBS)

 

Értérduisage in picard : Ch'Lanchron (ch'picard din chl'intarnète : http://lanchron.fr)

Lastest news

This winter, a brand new track between Noyelles and Le Crotoy

05/11/2017

Monday 6th November will witness the start of the largest operation ever undertaken on the Chemin de Fer de la Baie de Somme: the complete rebuild...

Learn more

Gastronomic Gala on Wednesday 20th September at Le Crotoy station

23/09/2017

More than 300 people enjoyed local produce brought together by chefs from restaurants in the Somme Bay area.
Customers could eat out of doors or...

Learn more

The European Heritage Days

22/09/2017

This year, the CFBS worked doubly hard to provide a festive atmosphere over the two days.

They were marked by the official handing over of a...

Learn more